პარტიზანული მებაღეობის ერთ-ერთი წევრი, ელენე მალაშევსკი-ჯაყელი, რომელიც მესამე დღეა თბილისის მერიის მიმდებარე ტერიტორიაზე შიმშილობს, ისევ ცუდად გახდა. მას სასწრაფო დახმარების ბრიგადა გამოუძახეს, რის შემდეგაც ჯაყელი რესპუბლიკურ საავადმყოფოში გადაიყვანეს.

როგორც პარტიზანი მებაღეები განმარტავენ, იმ შემთხვევაში, თუ ჯანმრთელობის მდგომარეობის გამო, ჯაყელს შიმშილობის შეწყვეტა მოუწევს, მას მათი გუნდის სხვა წევრი ჩაანაცვლებს.

გარდა ამისა, ამ წუთებში თბილისის მერიასთან პარტიზანი მებაღეები არიან შეკრებილები, რომელებიც კარვის დადგმას ცდილობენ. თუმცა, მერიის უსაფრთხოების სამსახურის თანამშრომლები მათ ამის უფლებას არ აძლევენ.