პარიზში რამდენიმე კვირაა ყოველ შაბათ-კვირას ე.წ. ყვითელჟილეტიანები ნავთობზე ფასის ზრდას აპროტესტებენ. პირველ დეკემბერს კი ათასობით ადამიანი პოლიციამ ისევ ცრემლსადენი გაზით დაშალა. 1968 წლიდან ე.წ. ყვითელჟილეტიანების დემონსტრაციები ყველაზე მასშტაბურია პარიზში.

პირველ დეკემბერს დემონსტრანტების ნაწილმა საფრანგეთის ერთ-ერთი ყველაზე პატივსაცემი მონუმენტი, ტრიუმფალური თაღი დააზიანეს. ტრიუმფალური თაღი ნაპოლეონ ბონაპარტეს შეკვეთით მეცხრამეტე საუკუნის დასაწყისში ააგეს. თაღის ქვეშ აკლდამები და უცნობი ჯარისკაცის საფლავია, რომელიც აქ 1920 წლის "დაზავების დღეს". ის პირველი მსოფლიო ომის დროს დაღუპული ჯარისკაცების სიმბოლოა. რამდენიმე დღის წინ კი ტრიუმფალური თაღი ვანდალურად დაარბიეს.

საფრანგეთის ეროვნული სიმბოლოს მარიანას ქანდაკება, რომელიც ტრიუმფალური თაღის შესასვლელშია, დაამტვრიეს.

სოციალურ ქსელში არაერთი ფოტო გავრცელდა თუ როგორ ამტვრევენ ე.წ. ყვითელჟილეტიანები ტრიუმფალური თაღის არტეფაქტებს.

გარდა ამისა თაღის კედლებზე აკეთებდნენ სხვადასხვა წარწერას "მაკრონი გადადგეს" და "ყვითელჟილეტიანები გაიმარჯვებენ".

აქციის პერიოდში საფრანგეთის პრეზიდენტი, ემანუელ მაკრონი არგენტინაში G20-ის სამიტს ესწრებოდა. ბუენოს-აირესიდან დაბრუნების შემდეგ მან ტრიუმფალური თაღი მოინახულა. ჯერ კიდევ სამიტზე ყოფნის დროს მან განაცხადა, რომ აქციის მონაწილეების ქცევას არანაირი კავშირი არ აქვს მშვიდობიან პროტესტთან და ვანდალიზმის ჩამდენი ყველა პირი დაისჯებოდა.

პარიზში ამ უქმეებზე დემონსტრანტები არბევდნენ ქუჩებსა და წვავდნენ მანქანებს, თავს ესხმოდნენ მაღაზიებსა და კერძო შენობებს. ქალაქის პოლიციის განცხადებით, 350-ზე მეტი ადამიანი ამ დრომდე დაპატიმრებულია.

ფოტო: Reuters

ფოტო: Reuters