თბილისში, მარჯანიშვილის ქუჩაზე ჯეოსელის ოფისი გაქურდეს. ეს ინფორმაცია On.ge-ს შინაგან საქმეთა სამინისტროში და კომპანიაში მიაწოდეს.

ჯეოსელის პრესსამსახური არ ამბობს, მოპარულია თუ არა კომპანიიდან რაიმე ნივთი, ან კონკრეტულად რა ზარალი მიიღეს. მისი განმარტებით, ამ საკითხზე საუბარი სამართალდამცავების უფლება-მოსილებაა.

შინაგან საქმეთა სამინისტრო საქმეს სისხლის სამართლის კოდექსის 177 მუხლით იძიებს. ამ მუხლით სისხლისსამართლებრივი პასუხისმგებლობა ქურდობისთვის დგება.