საპრეზიდენტო არჩევნებში სალომე ზურაბიშვილის გამარჯვების შემდეგ "გაბრაზებული ბათუმელები" "გახარებულ ბათუმელებად" გადაკეთდნენ. მოძრაობამ ოფისის ბანერიც შეცვალა და ფეისბუქზე გამოაქვეყნა.

გაბრაზებული ბათუმელები სამოქალაქო აპოლიტიკური გაერთიანებაა, რომლის მიზანია არ დაუშვას ქვეყანაში ნაციონალური მოძრაობის რეჟიმის დაბრუნება. ეს მოძრაობა საპრეზიდენტო არჩევნების მეორე ტურის წინ შეიქმნა.

საქართველოს ცენტრალურმა საარჩევნო კომისიამ ხმების 100 პროცენტი დათვალა. ამ მონაცემებით, პრეზიდენტი სალომე ზურაბიშვილი ხდება.

პრეზიდენტობის კანდიდატებს შორის ხმები პროცენტულად ასე გადანაწილდა::

  • ზურაბიშვილი — 59,52%;
  • ვაშაძემ — 40,48%.

პირველ ტურში მიღებული ხმები საკმარისი არ აღმოჩნდა რომელიმე კანდიდატის პრეზიდენტად ასარჩევად. მაშინ ზურაბიშვილი ვაშაძეს 14 348 ხმით უსწრებდა.

პირველი ტურში კანდიდატებს შორის ხმები ასე გადანაწილდა:

  • ზურაბიშვილი — 615 572 ხმა (38,64%);
  • ვაშაძე — 601 224 (37,74%).