ტელეკომპანია რუსთავი 2-ის ინფორმაციით, სახელმწიფო დაცვის სპეციალური სამსახურის თანამშრომლები წინასაარჩევნოდ სალომე ზურაბიშვილის სასარგებლოდ რეგიონებში აგიტაციას ეწევიან. კურიერის ცნობით, სახელმწიფო დაცვის სპეციალური სამსახურის ხელმძღვანელმა, ანზორ ჩუბინიძემ რეგიონებში სულ 36 კაცი მიავლინა და ისინი აგიტაციის დროს შანტაჟსაც მიმართავენ.

კურიერი დაუკავშირდა სახელმწიფო დაცვის სამსახურის თანამშრომლებს, თუმცა ისინი არ ადასტურებენ, რომ არჩევნების მეორე ტურის წინ საგანგებო რეჟიმში რეგიონებში მუშაობენ.

ტელეკომპანიის ინფორმაციით, სახელმწიფო დაცვის წარმომადგენლები არჩევნების დღეს უბნებზე იქნებიან განაწილებულები.

On.ge დეტალების დაზუსტებას მთავრობაში ცდილობს და დამატებით ინფორმაციას მიღებისთანავე მოგაწვდით.