სამშენებლო კომპანია m2-ში დასაქმებული მუშა მშენებარე შენობის მესამე სართულიდან გადმოვარდა. იგი ხეჩინაშვილის კლინიკაშია გადაყვანილი. ექიმის ცნობით, პაციენტი უგონო მდგომარეობაში მიიყვანეს და ამჟამად მართვით სუნთქვაზეა.

სამშენებლო კომპანიის წარმომადგენელი, დავით მძელური ამბობს, რომ მათთან დასაქმებული პირი სამუშაოების დასრულების შემდეგ გადმოვარდა. მისივე მტკიცებით, მუშას ჩაფხუტი ეხურა და ყველა სხვა ნორმა დაცული იყო.

შინაგან საქმეთა სამინისტროში On.ge-ს განუცხადეს, რომ საქმეზე უკვე დაიწყო გამოძიება სისხლის სამართლის კოდექსის 240-ე მუხლით.