თბილისის მერიის ინფორმაციით, დედაქალაქის მერი, დავით ნარმანია საკრებულოს სხდომაზე 26 აგვისტოს მივა. ამის შესახებ ნარმანიამ დღეს დარგის მოწვეულ სპეციალისტებთან და არასამთავრობო ორგანიზაციებთან შეხვედრისას, თბილისის მერიაში განაცხადა.

საკრებულოს ოპოზიცია თბილისის მერს, დავით ნარმანიას სხდომაზე ხუთშაბათს, 25 აგვისტოს, იბარებდა. როგორც ენმ-ს წევრი, ირაკლი აბესაძე განმარტვდა, დავით ნარმანიამ თბილისში ხეების უკანონო ჭრასთან დაკავშირებით მოქალაქეებს პასუხი უნდა გასცეს.

17 აგვისტოს ყაზბეგის გამზირის 24 ნომერში ასწლოვანი ნაძვები გაჩეხეს. ტერიტორიაზე, რომელზეც ადრე სისხლის გადასხმის ინსტიტუტი იყო, ახლა ნგრევა მიმდინარეობს. ადგილზე სამშენებლო კომპანია ორბი ჯგუფი 42 სართულიანი შენობის აშენებას აპირებს. სულ მოჭრილია 13 წიწვოვანი ხე. ფაქტის გასაპროტესტებლად ადგილზე შეიკრიბნენ ადგილობრივი მაცხოვრებლები და პარტიზანული მებაღეობის წარმომადგენლები.