ხანდახან მოვლენები ისე ლაგდება, რომ ვეღარ ვხვდებით, ცხოვრებაა უსამართლო ჩვენ მიმართ, ადამიანები — გარშემო, თუ უბრალოდ ერთი ცუდი დღეა.

თუმცა, ამ სტატუსის წაკითხვის შემდეგ მივხვდით, რომ მხოლოდ თქვენ არ ხართ უიღბლო.

ეს ცხრა სიტუაცია ცივ და სასტიკ სამყაროში თავს მარტოდ აღარ გაგრძნობინებთ.

1. კინოში წასვლა ერთ-ერთი საკრალური რიტუალია, რომელსაც ათიდან ცხრა შემთხვევაში აფუჭებს ორი ხბო, სრულიად არაადეკვატური რეაქციებით, რომელიც სწორედ შენ გვერდით, უკან ან წინ აღმოჩნდება.

2. აფთიაქში აუცილებლად შენ წინ უნდა იდგეს მოხუცი ქალი, რომელიც რეცეპტს ვერ კითხულობს, ან არც ახსოვს, რა გამოუწერეს. ან ენერგიული ადამიანი, რომელსაც მაინცდამაინც მაშინ მოუნდება მთელ ფარმაკოლოგიაში გარკვევა და ფარმაცევტებთან გულითადი საუბარი მთელ რიგ სამედიცინო საკითხებზე.

3. ბანკომატთან აუცილებლად შენ წინ აღმოჩნდება ადამიანი, რომელსაც არაფრით არ სჯერა, რომ ანგარიშზე თანხა აღარ აქვს და ამას ბანკომატს აბრალებს.

4. მატარებელში აუცილებლად უნდა შეგხვდეს ადამიანი, რომელსაც ფილტვებში და ცხვირში დემონი ყავს ჩასახლებული და ცდილობს მისგან განთავისუფლდეს, რადაც არ უნდა დაუჯდეს.

5. როცა ძალიან გეჩქარება, ყველა შუქნიშანი მიახლოებისას წითლდება და როცა არ გეჩქარება და დროის გაყვანა გინდა, სულ მწვანეზე დადიხარ.

6. როცა ყავის ასაღებად ხარ სადმე შესული, შენ წინ აუცილებლად უნდა დადგეს ვინმე ენაწყლიანი, რომელმაც იმ დღეს მოსაუბრე ვერ ჩაიგდო ხელში და გადაწყვიტა ერთბაშად აინაზღაუროს გამყიდველთან:

მაგალითად:
- აუ არ იღლები ფეხზე რო დგახარ მთელი დღე?
- არა, რა ვიცი.
- კაი რაა ვერ დავიჯერებ რო არ იღლები?
- ჰოო, რა ვიცი.
- და თან იძულებული ხარ ღიმილით მოემსახურო ყველას ჰოო?
- ჰოო, რა ვიცი.
- ძნელია ხო როცა არ გეღიმება და უნდა გაიღიმო სულ და ჩვენც გაგვაბედნიერო.
- ჰოო, რა ვიცი.
- რა შეგიძლიატ შემომათავაზოთ აბა ყველაზე გემრიელი?
- რა ვიცი, გადახედეთ.
- არა, შენ მინდა რომ ამირჩიო.
- რა ვიცი, აი ეს აიღეთ.
- კაი, მაგას ავიღებ
- რითი გადაიხდით?
- ამჯერად საქართველოს ბანკი დაგვდებს პატივს და ჩვენს სამსახურში ჩადგება.

შენ კიდევ ამ დროს გვერდზე დგახარ და ფიქრობ: რა ბანკი პატივს დაგვდებს და ჩვენს სამსახურში ჩადგება, დაგვდე პატივი და გაიწიე რა.

7. ტაქსის ლოდინისას, აუცილებლად არსაიდან უნდა გამოტყვრეს ადამიანი, რომელიც გაჩვენებს, რომ შენზე სწრაფი და მოხერხებულია და შენს ფეხებთან გაჩერებულ ტაქსიში ერთი ნახტომით შეუძლია აღმოჩენა.

8. სალაროდან ერთ-ერთს, ანუ იქ სადაც შენ დგახარ და რიგში პირველი ხარ, პრობლემა უჩნდება. მეორე სალაროსთან ასი კაცი დგას, მაგრამ ის მეასეც კი გასწრებს ყველაფრის ყიდვას, შენ კი ისევ პირველი ხარ რიგში.

9. ათი ცალი ბილეთიდან ცხრა რო მომგებიანი იყოს, მეათე აუცილებლად შენ უნდა შეგხვდეს.

და ამის მერე კიდევ რომ გეკითხებიან, რატომ არ მონაწილეობ Green Card-ის გათამაშებაში.