"არა ნაცებს!" ბილბორდების შემდეგ თბილისის ქუჩებში ნაციონალური მოძრაობის საწინააღმდეგო ახალი ბილბორდები გამოჩნდა. ბილბორდზე საპრეზიდენტო კანდიდატის, გრიგოლ ვაშაძის სახეების უკან წინა მმართველობის პერიოდის მაღალჩინოსნები არიან გამოსახული და თითოეულს აქვს თავისი წარწერა: "ირჩევ ვაშაძეს, ირჩევ სააკაშვილს!", "ირჩევ ვაშაძეს, ირჩევ ახალაიას!", "ირჩევ ვაშაძეს, ირჩევ ქარდავას!", "ირჩევ ვაშაძეს, ირჩევ ვაშაძეს!"

ეკუთვნით თუ არა ბანერები ქართულ ოცნებას On.ge პასუხს ქართული ოცნებიდან ელოდება

ნაციონალური მოძრაობის საწინააღმდეგო ბილბორდი "არა ნაცებს! არა ბოროტებას!" 18 ნოემბერს გამოჩნდა. ქართული ოცნების პრესსამსახურში ამბობენ, რომ მათი დაკვეთით არ გაკეთებულა, თუმცა ინფორმირებული იყვნენ ამის თაობაზე.

ბილბორდების "არა ნაცებს, არა ბოროტებას" დამკვეთმა განაცხადა, რომ მან, როგორც კერძო პირმა, შეუკვეთა ისინი და მასში ჯამში 51 841 ლარი გადაიხადა. ტელეკომპანია რუსთავი 2-თან საუბარში დამკვეთი აღნიშნავს, რომ ბანერებით ყოფილი ხელისუფლების შესაძლო დაბრუნება გააპროტესტა:

"ეს ჩემი წინასაარჩევნო სიურპრიზი იყო მაგათთვის".

მანამდე, ენმ-ის საწინააღმდეგო ბილბორდების შეკვეთაზე გავრცელებული ინფორმაცია უარყო პატრიოტთა ალიანსის ლიდერმა, ირმა ინაშვილმა. მისი თქმით, ის იზიარებს ბანერზე გამოსახულ სულისკვეთებას, თუმცა, ისინი მათ არ დაუკვეთავთ.