შემოსავლების სამსახური აცხადებს, რომ გარდაბნის საბაჟო გამშვები პუნქტში მებაჟეებმა არადეკლარირებული 3 500 გრამი ვერცხლი აღმოაჩინეს.

საქონლის საბაჟო ღირებულება 4 467 ლარს შეადგენს. ფერადი ლითონი ბაქო-თბილისის მატარებლის ელექტრო-მექანიკოსისათვის განკუთვნილ ოთახში, ინსტრუმენტების სათავსოში, აღმოაჩინეს.

საქართველოს საგადასახადო კოდექსის 289-ე მუხლის მე-10 ნაწილის მიხედვით, მოქალაქეს სანქციის სახით შეეფარდა ფულადი ჯარიმა 4 467 ლარის ოდენობით.