2018 წლის 16 ნოემბერს საქართველოს სახალხო დამცველთან არსებული ტოლერანტობის ცენტრმა ტოლერანტობის საერთაშორისო დღისადმი მიძღვნილი ღონისძიება გამართა, რომელზეც ეროვნულ უმცირესობათა და რელიგიათა საბჭოების მიერ გამოვლენილი ტოლერანტობის ქომაგები დააჯილდოეს.

სახალხო დამცველთან არსებული ეროვნულ უმცირესობათა და რელიგიათა საბჭოები ყოველწლიურად ირჩევენ მედიასაშუალებას, ორგანიზაციას, პიროვნებას და საჯარო მოხელეს, რომლებმაც მიმდინარე წლის განმავლობაში ხელი შეუწყვეს ქვეყანაში ეთნიკური და რელიგიური უმცირესობების უფლებების დაცვას და ტოლერანტობის კულტურის დამკვიდრებას.

ტოლერანტობის ჯილდო გადასცეს:

  • ნათია კაპანაძეს, აჭარის საზოგადოებრივი მაუწყებლის დირექტორი;
  • სოფიო სიჭინავა, ცენტრალური საარჩევნო კომისიის წარმომადგენელი;
  • სულხან–საბა ორბელიანის სასწავლო უნივერსიტეტი;
  • ეთნიკურობისა და მულტიკულტურალიზმის შესწავლის ცენტრი;
  • გამოცემა ბათუმელები;
  • პანკისის სათემო რადიო;
  • მარნეულის სათემო რადიო
  • ვიტალი საფაროვი, შესაძლო ქსენოფობიურ ნიადაგზე მოკლული უფლებადამცველი;
  • ჰოლანდიის ელჩი იოს დაუმა;
  • სქემ–მონაზონი სიდონია.

ასევე, მიმდინარე წელს ეროვნულ უმცირესობათა საბჭომ ტოლერანტობის ქომაგის სპეციალური ჯილდო გადასცა საქართველოს გერმანელთა ასოციაციის აინუნგის ხელმძღვანელს გარი აუგსტს და ლატვიის სათვისტომოს თავმჯდომარეს რეგინა იაკობიძეს.