13 ნოემბრის მონაცემებით, კალიფორნიის ტყის ხანძარს, აქამდე, სულ მცირე 42 ადამიანის სიცოცხლე ემსხვერპლა. SkyNews-ის ცნობით, გარდაცვლილები მანქანებთან ახლოს იპოვეს, რითაც ვარაუდობენ, რომ მათ გაქცევა ვერ მოასწრეს და კვამლით გაიგუდნენ.

ხანძრის გაჩენიდან მეოთხე დღეს ასობით ადამიანი დაკარგულად მიიჩნევა. BBC-ის ცნობით, სულ მცირე, 228 ადამიანია დაკარგული, დაახლოებით 7 200 შენობა-ნაგებობაა განადგურებული და 15 500 დანგრევის პირასაა.

ქალაქი პარადაისი

ქალაქი პარადაისი

ფოტო: Paul Kitagaki Jr/Zuma Wire/Rex/Shutterstock

ფოტო: Chris Pizzello/AP

ფოტო: Eugene García/EPA

ფოტო: Jim Wilson/The New York Times

ინტერნეტში ვრცელდება სხვადასხვა ვიდეო, სადაც ჩანს, როგორ ტოვებენ ადამიანები საცხოვრებელს და ალმოდებულ გზაზე გარბიან. კალიფორნიის შტატის მასშტაბით, ჯამში 300 ათასზე მეტმა ადგილობრივმა დატოვა საცხოვრებელი ადგილი.

ტვიტერზე ვრცელდება ვიდეო, სადაც ჩანს, როგორ აქრობს ვერტმფრენი ცეცხლის ალს, რომელიც ტყიდან მანქანებით სავსე ავტობანისკენ მიიწევს.

ცეცხლის ალი კალიფორნიის შტატის ორივე მხარეს მოედო, მათ შორის ცნობილი ადამიანებით დასახლებულ მალიბუს. მეხანძრეები მალიბუში 373,4 კმ2 ფართობზე გაჩენილ ცეცხლს ებრძოდნენ, რამაც სულ მცირე 370 შენობა-ნაგებობა გაანადგურა.

მეხანძრეები მალიბუსთან გორაკებზე ხანძარს ვერტმფრენის მეშვეობით აქრობენ.

ფოტო: Eric Thayer/Reuters

მსახიობი ვილ სმიტი ვიდეოს ავრცელებს, სადაც ამბობს, რომ ის ოჯახთან ერთად უკვე ევაკუაციის ზონაშია.

ქალაქ პარადაისში და მის მიმდებარე ტერიტორიაზე ყველაზე დიდი ხანძრის კერა იყო. ქალაქის მცხოვრები, სორელ ბობრინკი BBC-სთან ინტერვიუში ჰყვება, რომ მან მოახერხა და შვილთან ერთად გაიქცა, მას შემდეგ, რაც მეგობარმა ტელეფონით გააფრთხილა.

ის მომხდარს აღწერს, როგორც "აპოკალიფსური ფილმი, რაც კი ოდესმე მინახავს".

"ცეცხლში ვმართავდი ავტომობილს. ალბათ, ეს ყველაზე საშინელი გამოცდილება იყო, რაც კი შეიძლება მქონდეს ცხოვრებაში. ჩვენ ტრავმირებულები ვიქნებით ძალიან დიდი ხნით".

ფოტო: Getty Images

როგორც BBC წერს, მსხვერპლთა უმეტესობა ხანდაზმულია ან ისეთი, ვისაც გადაადგილების პრობლემა ჰქონდა.