მანჩესტერში მდებარე კომპანია კასა კერამიკაში იმდენად შეწუხდნენ შენობის დერეფანში მორბენალი ადამიანებით, რომ შესასვლელის იატაკზე დიდი ორმო ამოთხარეს.

არა, რა თქმა უნდა ეს ნამდვილი ორმო არაა. უსწორმასწორო იატაკი, რომელიც თავბრუს გახვევთ, სინამდვილეში ოპტიკური ილუზია და მთლიანად უსაფრთხოა.

ახალი იატაკის პრეზენტაცია კომპანიის მფლობელმა, დუნკან ქუქმა, სახალისო ვიდეოებით მოაწყო.

კომპანიის წარმომადგენლის თქმით, ილუზია მხოლოდ შემოსასვლელი მხრიდან მუშაობს, ასე რომ შენობაში შესვლა შესაძლოა გაგიჭირდეთ, მაგრამ იქედან აუცილებლად უსაფრთხოდ გააღწევთ.

კასა კერამიკა იატაკის ფილებს აწარმოებს. საკუთარი "ტალღოვანი შესასვლელის" მოსაწყობად მათ 400 ფილა გამოიყენეს.

საბოლოოდ კი ასეთი შთამბეჭდავი შედეგი მიიღეს.