2019 წლის 14 თებერვალს დიდ ეკრანზე ტოდ შტრაუსის ახალი ფილმი Isn't It Romantic, გამოდის.

ფილმში მთავარ როლებს რებელ უოლსონი და ლიამ ჰემსვორტი ასრულებენ. ფილმის ტრეილერის გამოსვლის შემდეგ, რებელმა ელენ დეჯენერესთან გადაცემაში სტუმრობისას სიხარულით აღნიშნა, რომ ის პირველი ჭარბწონიანი მსახიობი ქალია, რომელიც რომანტიკულ კომედიაში მთავარ როლს შეასრულებს.

მსახიობის ამ განცხადებას დიდი აჟიოტაჟი მოჰყვა ტვიტერზე, სადაც მას შეახსენეს, რომ ის არ არის პირველი ჭარბწონიანი მსახიობი რომკომში და აქამდე წამყვანი როლები უკვე შესრულებული ჰქონდათ ისეთ მსახიობებს, როგორებიც არიან ქუინ ლატიფა და მონიკი.

საბოლოოდ კი საქმე იქამდე მივიდა, რომ რებელ უილსონმა ტვიტერზე იმ ადამიანების დაბლოკვა დაიწყო, ვინც მას თითქმის მთელი დღის განმავლობაში მოუწოდებდა ლატიფასთვის და მონიკისთვის ბოდიში მოეხადა.

საბოლოოდ, საქმე იქამდე მივიდა, რომ საქმეში ოსკარის მფლობელი მონიკი თავად ჩაერია და რებელის განცხადებას ტვიტერზე გამოეხმაურა.

ამ ტვიტის პასუხად რებელმა ლატფასა და მონიკს სიყვარული აუხსნა და დაწერა, რომ ყველა ჭარბწონიანი ადამიანი უყვარს და სასარგებლო საქმის კეთებას მხოლოდ ერთად დგომით თუ შეძლებენ.