მიხეილ სააკაშვილმა დონალდ ტრამპის საარჩევნო სლოგანი გადააკეთა

საქართველოს ექსპრეზიდენტმა, მიხეილ სააკაშვილმა ამერიკის ისტორიაში ერთ-ერთი ყველაზე ცნობილი სლოგანი გადააკეთა და საქართველოს მოარგო. დონალდ ტრამპის საარჩევნო სლოგანში "კვლავ გავხადოთ ამერიკა დიდებული" სააკაშვილმა ერთი სიტყვა შეცვალა და აქცია: "კვლავ გავხადოთ საქართველო დიდებული".

სააკაშვილმა სლოგანი მას შემდეგ გამოაქვეყნა, რაც ცნობილი გახდა, რომ არჩევნების პირველ ტურში ვერ გაიმარჯვა მმართველი პარტიის მხარდაჭერილმა კანდიდატმა, სალომე ზურაბიშვილმა და მეორე ტურში ის გაერთიანებული ოპოზიციის კანდიდატ, გრიგოლ ვაშაძესთან ერთად იბრძოლებს.

სააკაშვილმა სლოგანი იმავე ფერებში გამოაქვეყნა, როგორც მას ტრამპი იყენებდა. თუმცა, წითელი ნაციონალური მოძრაობის საიმიჯო ფერიცაა.

მიუხედავად იმისა, რომ ამერიკის დიდებულად ქცევა ჯერ კიდევ როლანდ რეიგანის და ბილ კლინტონის მოწოდება იყო, ტრამპმა ეს სლოგანი ყველაზე წარმატებულად მოირგო. 2016 წლის წინასაარჩევნო პერიოდში კანდიდატი ყველა შეხვედრას ამ მოწოდებით ასრულებდა, ატარებდა ქუდებსა და მაისურებს იმავე წარწერით.