მრეწველობა გადაარჩენს საქართველომ ორ დღეში შემოწირულობად 281 000 ლარი მიიღო. შემოწირულობები პარტიას 22-23 ოქტომბერს გადაერიცხა.

პარტიას 40 000 ლარი შეწირა პარტიის ლიდერმა და მერვე მოწვევის პარლამენტის დეპუტატმა გოგი თოფაძემ. გარდა ამისა, 30 000 ლარი გადარიცხა პარტიის კიდევ ერთმა ლიდერმა, ზურაბ ტყემალაძემ, რომელიც, ასევე, მერვე მოწვევის პარლამენტის დეპუტატი იყო.

თოფაძემ საკუთარ პარტიას თანხა ბოლოს 2016 წელს შეწირა (49 979 ლარი). დეპუტატად ყოფნის პერიოდში მან 60 000 გადაურიცხა ქართულ ოცნებას. ჯამში თოფაძემ მრეწველობა გადაარჩენს საქართველოს 149 879 ლარი გადაურიცხა.

ზურაბ ტყემალაძემაც პარტიას ბოლოს თანხა 2016 წელს გადაურიცხა (20 000 ლარი). სულ კი მრეწველობა გადაარჩენს საქართველოსთვის 115 000 ლარი აქვს შეწირული

შემომწირველების სრული სია:

  • ზურაბ ტყემალაძე 30 000 ლარი — შპს საამოსა და შპს აგუნას მეწილე;
  • გოგი თოფაძე 40 000 ლარი — საქართველოს მთასვლელთა ეროვნული ფედერაციის დირექტორი, კომპანია ყაზბეგის მფლობელი და 25-მდე შპს-ს მეწილე;
  • გიორგი ჭყონია 60 000 ლარი — შპს ქართუ-უნივერსალის დირექტორი, ასევე, გიორგი თოფაძის ბიზნესპარტნიორი;
  • ზვიადი სრესელი 10 000 ლარი — შპს მეჯუდას მეწილე და დირექტორი;
  • გიორგი ზაქარიაშვილი 16 000 ლარი — ინდივიდუალური მეწარმე;
  • გიორგი აბაშვილი 11 000 ლარი — შპს დეტის დირექტორი და შპს სიონი გოლდის მეწილე;
  • აკაკი რამიშვილი 11 000 ლარი — შპს კა ენდ ჯისა და შპს თრეველ თაიმის მეწილე;
  • ელენა კორჩაგინა 20 000 ლარი — შპს აგუნას მეწილე;
  • მარიამ ტყეშელაშვილი 21 000 ლარი;
  • გიორგი ბიბილაური 11 000 ლარი;
  • ნათია კავთიაშვილი 50 000 ლარი;
  • გიორგი ბიბილაური 1 000 ლარი.