2018 წლის 2 ნოემბერს ბრაიან სინგერის ფილმი Bohemian Rhapsody გამოდის, რომელიც ლეგენდარული მომღერლის, ფრედი მერკურის ცხოვრებასა და ჯგუფ Queen-ის შესახებ მოგვითხრობს.

პირველი ტრეილერის გამოსვლის შემდეგ, ფილმიდან ახალი კადრები გამოქვეყნდა, რომელშიც ბრიტანული როკ-ბენდის 1977 წელს გამოსული ჰიტის, We Will Rock You-ს შექმნის პროცესს ვხედავთ.

"მინდა რამე ისეთი დავწერო, რასაც მსმენელი შეასრულებს. წარმოიდგინე, რომ ამას ათასობით ადამიანი აკეთებს", - ამბობს ვიდეოში ბრაიან მეის როლის შემსრულებელი.

"და რა იქნება ტექსტი?" - კითხულობს ფრედი მერკური, რომლის როლსაც მისტერ რობოტის ვარსკვლავი რემი მალეკი ასრულებს.