ამერიკელმა მსახიობმა, სელმა ბლერმა თავის ფანებს ინსტაგრამის საშუალებით შეატყობინა, რომ გაფანტული სკლეროზი აქვს.

როგორც მსახიობი ამბობს, დაავადების პირველი სიმპტომები ჯერ კიდევ 15 წლის წინ აღმოაჩინა.

"ძალიან რთული იყო ამის აღიარება საკუთარ თავთან. ზოგჯერ ვეცემი, ხელიდან მივარდება ნივთები და ჩემი მეხსიერებაც ნელ-ნელა უარესობისკენ მიდის", - წერს მსახიობი.

მსახიობმა გრძელ პოსტში ყველა ის საშინელი სიმპტომი აღწერა, რომელიც მას წლებია სტანჯავს და ფანებს მხარდაჭერისთვის მადლობა გადაუხადა.