საქართველოს საგანგებო სიტუაციების მართვის სამსახურის ქვემო ქართლის სახანძრო სამაშველო სამსახურის უფროსის მოადგილემ, დავით გელაშვილმა განაცხადა, რომ რუსთავში ჟანგბადის ბალონის აფეთქების შედეგად, ბოლო მონაცემებით, 12 ადამიანია დაშავებული.

მისი თქმით, 9 პირი იმყოფება ე.წ. აზოტის საავადმყოფოში, სამი — რუსთავის ცენტრალურ საავადმყოფოში. შემთხვევას მსხვერპლი არ მოჰყოლია.

Info Rustavi-ის ცნობით, დაშავებულთაგან ერთი მცირეწლოვანი ბავშვი, თბილისში, იაშვილის სახელობის კლინიკაში გადმოჰყავთ. არასრუწლოვანს სხეულში უცხო სხეული აქვს, დაზიანებული აქვს ფეხი და უტარდება სამედიცინო პროცედურები.

მომხდარ ფაქტზე გამოძიება საქართველოს სისხლის სამართლის კოდექსის 240-ე მუხლით მიმდინარეობს, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.