გირჩი საპრეზიდენტო კანდიდატმა, ზურა ჯაფარიძემ დედაენის ბაღში კანაფის ლეგალიზაციის ფესტივალზე მისულებს კანაფი დაურიგა. როგორც ჯაფარიძე აქამდე ამბობდა, ამ ქმედებით მან სამოქალაქო დაუმორჩილებლობის აქტი განახორციელა.

შინაგან საქმეთა სამინისტრომ საპრეზიდენტო კანდიდატი, ზურა ჯაფარიძე მარიხუანის დარიგების შემდეგ დააკავა. როგორც შსს-ში On.ge-ს განუცხადეს, ჯაფარიძის დაკავებაზე დეტალებს აზუსტებენ.

შსს-ს ცნობითვე დაკავებულია ასევე პოლიტიკური პარტია გირჩის სამი ლიდერი, ვახტანგ მეგრელიშვილი, იაგო ხვიჩია და ნიკა ობოლაძე. როგორც უწყებამ On.ge-ს განუმარტა, ფესტივალის ჩატარებასთან დაკავშირებით გამოძიება მცენარე კანაფის ან მარიხუანას უკანონო შეძენა-შენახვისა და გასაღების მუხლით არის დაწყებული.