უკვე რამდენიმე წელია, ვეგეტარიანელების რაოდენობა ჩვენს ქვეყანაში მხოლოდ და მხოლოდ იზრდება. მეც გაბრწყინებული სახით ვუყურებ ტალღას, რომელიც არა მხოლოდ საქართველოს, არამედ მთელ მსოფლიოსაა მოდებული. ჩვენ ბევრი რამ გვაერთიანებს: ერთნაირად გვიხარია მარხვა, ერთნაირად გვაღიზიანებს ნატურალურ ბეწვზე შეშლილი დიზაინერები და, რაც მთავარია, ერთნაირი სიხშირით გვიწევს იმ ფრაზების მოსმენა, რომლებიც ქვემოთ წერია:

1. მცენარეები არ გეცოდება?

სიმართლე გითხრა, არა, რადგან კიტრის დაჭრისა და ძროხის დაკვლის ყურება ერთი და იგივე არაა.

2. უეჭველი, სახლში რომ მიდიხარ, ჩუმად ხორცს ჭამ

ფოტო: Giphy

საკუთარი ყასაბიც კი მყავს, რომელიც იატაკქვეშა გვირაბის დახმარებით ხორცით მამარაგებს.

3. არც ქათამს არ ჭამ?

ფოტო: Giphy

ქათამი ხომ რეალურად ბოსტნეულია.

4. რანაირი ქართველი ხარ, თუ მწვადს და ხინკალს არ ჭამ?

ფოტო: Giphy

რანაირი და, ვცდილობ, იმერულად ვუყურო სამყაროს: მჭადი, ნიგვზიანი ბადრიჯანი, ლობიო, etc

5. ადამიანს ეშვები იმიტომ აქვს, რომ ხორცისმჭამელად არის გაჩენილი

ფეხზე კიდევ ნეკა თითი იმიტომ გვაქვს, რომ ხეებს კარგად მოვეჭიდოთ აცოცებისას.

6. ხორცს თუ არ შეჭამ, ცილას ვერ მიიღებ

ფოტო: giphy

სამყაროში არსებობს ისპანახი, სოიო და ნუში.

7. უკაცრიელ კუნძულზე რომ მოხვდე, არც მაშინ შეჭამ ხორცს?

ფოტო: Giphy

ვფიქრობ, უკაცრიელ კუნძულზე უკაცრიელი ცხოველების მონადირება ძალიან გამიჭირდება და კენკრას, სოკოსა და თხილეულს დავჯერდები, სანამ რამე ფორმით შევატყობინებ სამყაროს, რომ ვარსებობ და ცივილიზაციაში დამაბრუნონ.

8. ამ ჩახოხბილიდან ხოხობს ამოვიღებ და გასინჯე

ფოტო: Giphy

სამწუხაროდ, ამ შემოთავაზებაზე უარია

9. რაც ღმერთმა მოგვცა, ყველაფერი უნდა ვჭამოთ

მათ შორის, მთის ქანები, მფრინავი მელიები და გიგანტური ობობებიც.

10. შენ რომ არ შეჭამ, გგონია, რამე შეიცვლება?

ფოტო: Giphy

თითოეული ვეგეტარიანელი წელიწადში 100 ცხოველს "იცავს სიკვდილისგან". თეორიულად, თუ მეტი ადამიანი გახდება ვეგეტარიანელი, ხორცზე მოთხოვნა დაიკლებს და შესაბამისად, კი, რაღაც შეიცვლება.