17 ივლისს ერევანში მოწყობილ ამბოხში ბრალდებული პირებს, დაჯგუფება - სასნა ცრერის 4 წარმომადგენელს, სასჯელაღსრულების დაწესებულებიდან უახლოეს მომავალში გაათავისუფლებენ, რადგან სავარაუდოდ, მათ სასჯელის იმ მუხლებს შეუცვლიან, რომლითაც ისინი დააკავეს. ინფორმაციას Ekhokavkaza ავრცელებს.

გამოცემის ცნობით, საქმე იმაშია, რომ აღნიშნული პირების მტკიცებით, მანამ, სანამ დაჯგუფებასთან ერთად ერევნის პოლიციის შენობაში შეიჭრებოდნენ და დაიკავებდნენ მას, არ იცოდნენ, სად მიდიოდნენ. ისინი ამბობენ, რომ ერებუნის პოლიციის დაკავების შემდეგ, მათი იქ ყოფნის მთელი დროის განმავლობაში შენობის დატოვება სურდათ, თუმცა ამის გაკეთების ეშინოდათ.

17 ივლისს ოპოზიციურმა მოძრაობის - დამფუძნებელთა პარლამენტის მხარდამჭერმა შეიარაღებულმა ჯგუფმა - სასნა ცრერმა ერევანში, ერებუნის გარეუბანში, პოლიციის შენობა დაიკავა და მძევლები აიყვანა. მათ მთავარ მოთხოვნას წარმოადგენდა: დამფუძნებელთა პარლამენტის ლიდერის, ჟირაირა სეფილიანის გათავისუფლება, ქვეყნის პრეზიდენტის, სერჟ სარგისიანის გადადგომა, არჩევნების დანიშვნა და ძალაუფლების ხალხისთვის გადაცემა.

აღნიშნული ჯგუფის მხარდასაჭერად ერევანში პერმანენტული აქციების ციკლი დაიწყო. 31 ივლისს ამბოხებულებმა ბოლო მძევლები გაათავისუფლეს, პოლიციას ჩაბარდნენ და განაცხადეს:

"მისი შესრულებულია, რადგან აჯანყებას დავუდეთ სათავე".

17 ივლისს დაწყებული ამბოხის საქმეზე საგამოძიებო მოქმედებები სისხლის სამართლის კოდექსის შემდეგი მუხლებით მიმდინარეობს: მძევლების აყვანა, შენობის ან სატრანსპორტო საშუალების უკანონოდ დაკავება, იარაღის უკანონო შეძენა-შენახვა-ტარება. ცნობილია, რომ აღნიშნულ საქმეზე დაკავებულებს ადვოკატების 12 კაციანი ჯგუფი უფასოდ დაიცავს.

უფრო მეტი იხილეთ აქ: