ფეიბუქის დამფუძნებელმა და მილიარდელმა მარკ ცუკერბერგმა საკუთარ გვერდზე დაწერა, რომ თავის შვილს წიგნების გამყიდველი ჰგონია. ცუკერბერგმა ეს პოსტი რამდენიმე საათის წინ გამოაქვეყნა, რასაც დიდი გამოხმაურება მოჰყვა. ამ წუთისთვის ცუკერბერგის პოსტს 100 000-მდე რეაქცია აქვს, კომენტარების რაოდენობა კი წამიერად იზრდება.

კომენტარებში ერთ-ერთმა მომხმარებელმა ფეისბუქის დამფუძნებელს კითხვა დაუსვა: "მიკვირს, რომ დღევანდელ დროში მან [მარკის შვილმა] წიგნის მაღაზიების არსებობის შესახებ რაიმე იცის".

მომხმარებლის კომენტარს მარკმა შემდეგნაირად უპასუხა: "ჩვენ ის ხშირად დაგვყავს წიგნის მაღაზიებსა და ბიბლიოთეკებში, რომ მისთვის წიგნები შევარჩიოთ".

ძალიან ბევრი დადებითი კომენტარის ფონზე, ერთ-ერთმა მომხმარებელმა ირონიული და კრიტიკული კომენტარიც დატოვა:

"მან ჯერ არც კი იცის, რომ შენ შექმენი პლატფორმა, რომელიც ადამიანებს წიგნებთან აშორებს და ამის ნაცვლად პოსტავენ ყველანაირ სისულელეს. იმასაც კი, რომ ტუალეტში შედიან", - წერდა მომხმარებელი.

ცუკერბერგის ქალიშვილი, მაქსიმა ჩან ცუკერბერგი 2016 წლის 1 დეკემბერს დაიბადა. ფეისბუქის დამფუძნებელსა და მის მეუღლეს, პრისცილა ჩანს, მეორე შვილი 2017 წლის აგვისტოში შეეძინათ.

მარკ ცუკერბერგ,ა ყველაზე ახალგაზრდა მილიარდელის სტატუსი 2005-06 წლებში მოიპოვა. ამჟამად მისი აქტივები $71 მილიარდს შეადგენს და მსოფლიოში ყველაზე მდიდარი ადამიანების სიაში მეხუთე ადგილზეა.