"[ხორავას ქუჩის საქმეზე] ვისაც ხელი დავაფარე, ისინი, ორივე მაგრად არიან", — ამ ტექსტით საუბრობს, სავარაუდოდ, ხორავას ქუჩის საქმეზე დანაშაულის შეუტყობინებლობისთვის ბრალდებული, მირზა სუბელიანი. აუდიოჩანაწერში, რომლის ავთენტურობა ჯერ დადგენილი არ არის, სავარაუდოდ, სუბელიანის ქართული ოცნების დეპუტატ ვიქტორ ჯაფარიძესთან და ლტოლვილთა სამინისტროს ყოფილ მაღალჩინოსანთან, გენერალური ინსპექციის ყოფილ თანამშრომელთან, დათო ცუხიშვილთან საუბარია ასახული.

"ერთიც ფულში მაგრადაა და მეორეც ფულში მაგრადაა. მე რა ჩემი ყ..ე წავიღე, არაფერი არ წამიღია. [მიხეილ] კალანდია, ბავშვზეა ლაპარაკი, მთავარი მოწმეა, მაგას იმიტო კი არ იჭერენ, დიდადაც უნდათ დაიჭირონ, მარა ის ძირი საქმე დაენგრევათ, თორე ჩემი ხათრი სულ არავის არ აქვთ, ჩემი ხათრი რო ქონოდათ, მაგან მე უკვე თავისი წილი შეურაცხყოფა მომაყენა, როდესაც პირველ დღეს მიიყვანეს და ბავშვები სცემეს", — საუბრობს აუდიოჩანაწერში, სავარაუდოდ, მირზა სუბელიანი.

— ვიქტორ ჯაფარიძე: ძირი საქმე რა დაენგრევა?
— მირზა სუბელიანი: ძირი საქმე მკვლელობის საქმე, ტ..კის თამაშს თავი დაანებონ.
— ამათ იცი რისი ეშინიათ რო, ამის თემა, კაკავას... ამის თემა დახურონ რო მერე სამომავლოდ ვიღაცამ არ ამოქექოს.

ჩანაწერში მიხედვით, სავარაუდოდ, მირზა სუბელიანი ეუბნება ვიქტორ ჯაფარიძეს, რომ მან ძალიან ცუდ საქმეს მოჰკიდა ხელი, როდესაც ამ მოლაპარაკებებში ჩაერთო. საუბრიდან ირკვევა, რომ თავიდან პროცესში აქტიურად იყო ჩართული სოზარ სუბარიც, რომელიც საქმეს ნელ-ნელა ჩამოცილდა.

— მირზა სუბელიანი: მე შენ გახსოვს რო გითხარი, მაგარ ცუდ საქმეს მოკიდე ხელი მეთქი.
— ვიქტორ ჯაფარიძე: ვიცი, ვნანობ, მარა მე სხვა გზა არ მქონდა იმიტო, რო ცუდ რაღაცაში ერეოდი.
— მირზა სუბელიანი: გავიგე, მარა გაიწია სოზარი, სოზარის ცრემლები მოდიოდა და გაიწია, ის ჩვენზე მეტად დარდობს, მიხვდა და გაიწია, შენ მაგარ ცუდ საქმეში ჩაერიე დამიჯერე, რა, შენ თუ გგონია მირზა გამოვიდეს და რუსთავი 2-ში დაჯდეს და...

მირზა სუბელიანს, რომელსაც პროკურატურა ხორავას ქუჩის საქმეზე დანაშაულის შეუტყობინებლობას ედავება აღკვეთის ღონისძიებად პატიმრობა 10 ივნისს შეეფარდა.

გაიგეთ მეტი: