შინაგან საქმეთა სამინისტროს ცნობით, ორი შეკვრა ნარკოტიკული საშუალება სირეცის შეძენა-შენახვის ბრალდებით, ფონიჭალის დასახლებაში ორი პირი დააკავეს. უწყების მტკიცებით, სამართალდამცველებმა ნარკოტიკი ორივე დაკავებულის პირადი ჩხრეკისას ამოიღეს.

გამოძიება ნარკოტიკული საშუალების უკანონო შეძენა-შენახვის ფაქტზე, საქართველოს სისხლის სამართლის კოდექსის 260-ე მუხლის პირველი ნაწილით მიმდინარეობს. დანაშაული 6 წლამდე ვადით თავისუფლების აღკვეთას ითვალისწინებს.