სომხეთის საგამოძიებო უწყების ინფორმაციით, გასულ თვეს ერევანში, ერებუნის გარეუბანში მომხდარი შეიარაღებული თავდასხმის ფაქტზე გამოძიება 60 პირის წინააღმდეგ არის დაწყებული. ინფორმაციას Ekhokavkaza ავრცელებს.

ადგილობრივი საგამოძიებო უწყების ცნობით, ამ ეტაპზე მომხდარში ბრალდებულია 60 ადამიანი, 50 მათგანი დაკავებულია, 2 კი იძებნება. რაც შეეხება დანარჩენ ბრალდებულებს, მათ მიმართ აღკვეთის ღონისძიებად პატიმრობა არაა განსაზღვრული.

17 ივლისს ოპოზიციურმა მოძრაობის - დამფუძნებელთა პარლამენტის მხარდამჭერმა შეიარაღებულმა ჯგუფმა - სასნა ცრერმა ერევანში, ერებუნის გარეუბანში, პოლიციის შენობა დაიკავა და მძევლები აიყვანა. მათ მთავარ მოთხოვნას წარმოადგენდა: დამფუძნებელთა პარლამენტის ლიდერის, ჟირაირა სეფილიანის გათავისუფლება, ქვეყნის პრეზიდენტის, სერჟ სარგისიანის გადადგომა, არჩევნების დანიშვნა და ძალაუფლების ხალხისთვის გადაცემა.

აღნიშნული ჯგუფის მხარდასაჭერად ერევანში პერმანენტული აქციების ციკლი დაიწყო. 31 ივლისს ამბოხებულებმა ბოლო მძევლები გაათავისუფლეს, პოლიციას ჩაბარდნენ და განაცხადეს:

"მისი შესრულებულია, რადგან აჯანყებას დავუდეთ სათავე".

17 ივლისს დაწყებული ამბოხის საქმეზე საგამოძიებო მოქმედებები სისხლის სამართლის კოდექსის შემდეგი მუხლებით მიმდინარეობს: მძევლების აყვანა, შენობის ან სატრანსპორტო საშუალების უკანონოდ დაკავება, იარაღის უკანონო შეძენა-შენახვა-ტარება. ცნობილია, რომ აღნიშნულ საქმეზე დაკავებულებს ადვოკატების 12 კაციანი ჯგუფი უფასოდ დაიცავს.

უფრო მეტი იხილეთ აქ: