2-3 თვეს არ აქვს მნიშვნელობა, ვიმსჯელებთ, სანამ კონსენსუსს არ მივაღწევთ — გახარია კანონპროექტზე
![](http://monica.on.ge/2018/05/18/1526654964_5afeed25f3c3d.jpg)
შინაგან საქმეთა მინისტრი, გიორგი გახარია მარიხუანის კულტივაციის კანონპროექტის განხილვის გადავადების მიზეზად კონსულტაციებს ასახელებს. მინისტრის თქმით, მუშაობა იქამდე გაგრძელდება, სანამ მხარეების პოზიციები არ დაახლოვდება. მისივე განმარტებით, საზოგადოების არცერთ ნაწილთან დაპირისპირებას არ აპირებენ.
"2 თვე, 3 თვე, 4 თვე, არ აქვს მნიშვნელობა, მსჯელობა იქნება მანამდე, სანამ ჩვენ კონსენსუსს ვერ მივაღწევთ საზოგადოებასთან. ეს უნდა იყოს ფართო მსჯელობის საგანი და ვიმოძრავებთ იმ მიმართულებით, რა მიმართულებითაც ჩვენ მიგვითითებს საზოგადოება", — განაცხადა მინისტრმა ჟურნალისტებთან საუბრისას.
მისივე განმარტებით, დისკუსიები გაგრძელდება, მათ შორის "მწვავე ფორმითაც", რადგან ორივე მხარეს არის ძლიერი არგუმენტები. გახარიას თქმით, დარწმუნებულია, რომ ამ საკითხზე, საბოლოოდ, ყველა მხარე "ერთად იმოძრავებს".
საქართველოს პარლამენტმა კანაფის კონტროლის შესახებ კანონპროექტის განხილვა ორი თვით გადაავადა. შესაბამისი მოთხოვნით საქართველოს პარლამენტის ბიუროს ჯანდაცვისა და სოციალური დაცვისა და იურიდიულ საკითხთა კომიტეტებმა მიმართეს.
შინაგან საქმეთა სამინისტროს მიერ შემუშავებული კანონპროექტი "მცენარე კანაფის კონტროლის" შესახებ სამედიცინო მიზნით მარიხუანის დათესვას, მოყვანა და კულტივაციას გულისხმობს. კანონპროექტის მიხედვით, მარიხუანის მხოლოდ ექსპორტი იქნება დაშვებული, ხოლო იმპორტი აკრძალული. ასევე, აიკრძალება არასამედიცინო მიზნით კანაფის კულტივაციაც.
დოკუმენტი 131-გვერდიანია და დამტკიცების შემდეგ ათამდე კანონში შევა ცვლილება. კანონპროექტს როგორც ეკლესიიდან, ისე საზოგადოებისგან კრიტიკა მოჰყვა. საქართველოს საპატრიარქომ განცხადება გაავრცელა, სადაც აღნიშნა, რომ სრულიად მართლმადიდებელი ეკლესია და მრევლი ეწინააღმდეგება ნებისმიერი მიზნისთვის მარიხუანის რეალიზაციის ლეგალიზებას.
კანონპროექტის გადავადების გადაწყვეტილება უმრავლესობამ მას შემდეგ მიიღო, რაც აღნიშნულ ინიციატივას საქართველოს მართლმადიდებელი ეკლესია დაუპირისპირდა. პარლამენტში კანონპროექტის უკან გაწვევაზეც მსჯელობდნენ.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები