გრძელვადიანი პროტესტის შემდეგ ამაზონმა საკუთარი თანამშრომლების მინიმალური ხელფასი $7-დან $15-მდე გაზარდა, რისთვისაც კომპანიამ ხალხის სიმპატია დაიმსახურა, თუმცა როგორც ჩანს, სულ ტყუილად.

ხელფასის მომატების სანაცვლოდ ამაზონმა ყოველთვიური ბონუსები და თანამშრომლებისთვის გადაცემული აქციები გააუქმა, რომელიც ბონუსების დამატებითი წყარო იყო.

კომპანიის ოფიციალურ ბლოგზე გამოქვეყნებულ განცხადებაში ნათქვამია, რომ საათობრივად მომუშავე თანამშრომლებისთვის გაზრდილი ფიქსირებული ხელფასი უფრო მიმზიდველია, ვიდრე ბონუსების სისტემა.

ამაზონის რამდენიმე თანამშრომელმა ეს გადაწყვეტილება გააკრიტიკა, ისინი ამბობენ, რომ ბონუსების გაუქმების გამო თანამშრომლების დიდი ნაწილი იმაზე ნაკლებ ხელფასს აიღებს, ვიდრე აქამდე.

თანამშრომლების ნაწილი აცხადებს, რომ ხელფასის მომატება საზოგადოების შეცდომაში შეყვანის მცდელობაა, მათი თქმით ამაზონს სურს ხალხს მოაჩვენოს, რომ თითქოს ხელფასები გაზარდა.

კომპანიაში კი აცხადებენ, რომ გატარებული ცვლილებები თანამშრომლების კეთილდღეობას გააუმჯობესებს.

"ჩვენ შეგვიძლია დავადასტუროთ, რომ საათობრივ გრაფიკზე მომუშავე თანამშომლები ყოველთვიურად იმაზე მეტ ხელფასს აიღებენ, ვიდრე აქამდე იღებდნენ," - აცხადებს კომპანიის წარმომადგენელი.