ყველაზე პოპულარული ჩინელი მსახიობი, ფან ბინბინი, რომელიც 4 თვის წინ გაუჩინარდა დაბრუნდა.

როგორც ადგილობრივი მედია წერს, მსახიობი ჩინეთის დედაქალაქშია და თავს კარგად გრძნობს.

თავად მსახიობი კი ამბობს, რომ ის მთელი ამ დროის განამვლობაში დასასვენებლად იყო წასული. ამ განცხადებას საეჭვოს უწოდებს დასავლური პრესა, ამის მიზეზი კი ის არის, რომ მსახიობი მხოლოდ მას შემდეგ გამოჩნდა, რაც ჩინეთის კომუნისტურ პარტიას ბოდიში მოუხადა.

შეგახსენებთ, რომ ბინბინი 4-თვიანი გაუჩინარების შემდეგ პირველად გუშინ გამოჩნდა და განცხადება გაავრცელა.

"მე დავაღალატე ჩემი ქვეყანა, საზოგადოება და ფანები. არაფერი ვიქნებოდი სახელისუფლებო პარტიისა და იმ ხალხის გარეშე, ვინც ჩემს გარშემო ცხოვრობს და სიყვარულით მავსებს. გადასახადებს აუცილებლად გადავიხდი და ბოდიშს ვიხდი იმ ყველაფრისთვის, რაც ჩემს გარშემო ხდება", - ამბობდა მსახიობმა.

მიუხედავად ამ კომენტარისა, ჩინეთის ხელისუფლებამ დაპატიმრებულია მისი აგენტი.

კომუნისტურმა პარტიამ მსახიობი გადასახადების დამალვაში დაადანაშაულა და ჯარიმის სახით $129 მილიონის გადახდას სთხოვენ.

ბინბინის მისამართით კრიტიკა ჯერ კიდევ გასულ წელს დაიწყო, როდესაც ხელისუფლებასთან ერთად მსახიობს ჩინური მედიის ნაწილიც აკრიტიკებდა და მას ახალგაზრდებისთვის არამისაბაძ მაგალითს უწოდებდა.

ამის მაგალითი იყო მთავრობის მიერ დაფინანსებული ბოლო გამოკითხვაც, რომელშიც ფანმა 0 პროცენტი მიიღო და სოციალური ყველაზე უპასუხისმგებლოს სტატუსი მიანიჭეს.

ფანის მიმართ კრიტიკა ჯერ კიდევ მაშინ გაისმა, როდესაც ის ფორბსმა ერთ-ერთ ყველაზე მაღალანაზღაურებად მსახიობად დაასახელა, მაშინ ხელისუფლება და მედია აქტიურად მოუწოდებდა მსახიობს, რომ ხელი არ შეეწყო ფულის გაღმერთებისთვის და არ მოეხდინა "დამახინჯებულ სოციალურ ღირებულებების" პოპულარუზაცია.

ამის შემდეგ, ბინბინსა და სხვა მსახიობებს, ხელისუფლებამ ჰონორარის მისაღებად გარკვეული ზღვარი დაუწესა.

ჩინეთის გარდა, ბინბინი დიდი პოპულარობით სარგებლობს ჰოლივუდშიც. მას მონაწილეობა უნდა მიეღო ახალ ჯაშუშურ ტრილერში 355, სადაც პარტნიორობას ჯესიკა ჩესტეინს, პენელოპე კრუზს, ლუპიტა ნიონგოს და მარიონ კოტიარს გაუწევდა, თუმცა ამ ეტაპზე უცნობია ითამაშებს თუ არა ისევ ჩინელი მსახიობი ფილმში.