როგორც იცით, ცნობილი ბრიტანელი წამყვანები და ავტომობილების საუკეთესო ექსპერტები: ჯერემი კლარკსონი, რიჩარდ ჰამონდი და ჯეიმს მეი ამჟამად საქართველოს სტუმრობენ. ბათუმში ძვირადღირებული მანქანებით გასეირნებისა და სურამში ნაზუქების ჭამის შემდეგ, მათ დროებით თბილისში დაიდეს ბინა.

ვიდეო, რომელშიც The Grand Tour-ის წამყვანები აბბას სიმღერაზე ცეკვავენ, მწერალთა სახლის ეზოშია გადაღებული და ტერეზა მეის ვიდეოს პაროდიას წარმოადგენს.

Facebook მომხმარებლები ხუმრობენ, რომ უცხოელი სტუმრები ქართველებმა დაათვრეს და სწორედ ასე შეიქმნა ეს მხიარული რგოლი.