ხორავას ქუჩაზე მოკლული დავით სარალიძის მამა, ზაზა სარალიძე ქართული ოცნების შეხვედრაზე შესვლას ითხოვს. მისი თქმით, მას სურს, პრეზიდენტობის კანდიდატს, სალომე ზურაბიშვილსა და პარტიის წევრებს დახმარება სთხოვოს. სარალიძემ განმარტა, რომ ის ყველა პარტიის შეკრებაზე მივა და დახმარებას სთხოვს.

სამართალდამცავები სარალიძეს ქართული ოცნების ოფისის ტერიტორიაზე არ უშვებენ. სარალიძე ითხოვს, რომ მმართველი გუნდიდან ვინმე მასთან გავიდეს და განუმარტოს, რატომ არ უშვებენ შეხვედრაზე.

ქართული ოცნების ოფისში გამარჯვებიდან ექვსი წლის თავთან დაკავშირებით მმართველმა გუნდმა შეხვედრა გამართა, რომელსაც პარტიის დამფუძნებელი ბიძინა ივანიშვილი და პრეზიდენტობის კანდიდატი სალომე ზურაბიშვილი ესწრებოდნენ.

ზაზა სარალიძე და მალხაზ მაჩალიკაშვილი 10 სექტემბრის შემდეგ ქუჩაში საპროტესტო აქციებს მართავენ. სარალიძე და მაჩალიკაშვილი გაერთიანებული ოპოზიციის ძალა ერთობაშიას შეხვედრაზეც მივიდნენ. მათ პარტიებს მხარდამჭერებს სიტყვით მიმართეს.