რუმინეთის მთავარმა სასამართლომ დაადგინა, რომ გეი წყვილები იგივე ოჯახური უფლებებით უნდა სარგებლობდნენ, როგორც ჰეტეროსექსუალები. Washington Post-ის ცნობით, 6-7 ოქტომბერს ჩატარდება რეფერენდუმი, სადაც გადაწყდება, ჩაიწერება თუ არა ქვეყნის კონსტიტუციაში ოჯახი, როგორც ქალის და კაცის ქორწინება.

პეტიციას, რომ კონსტიტუციაში ოჯახი მხოლოდ ქალის და კაცის ერთობას წარმოადგენდეს, სამმა მილიონმა რუმინელმა მოაწერა ხელი.

კრიტიკოსები აცხადებენ, რომ დაგეგმილმა რეფერენდუმმა და შესაძლო ცვლილებამ კონსტიტუციაში, შესაძლოა ლგბტ საზოგადოების უფლებები დაარღვიოს. გამოცემის ცნობით რუმინეთი, პოლონეთი, სლოვაკეთი, ბულგარეთი, ლიეტუვა და ლატვია ერთსქესიანთა ქორწინებას არ ცნობენ და ერთსქესიან წყვილებს ვერც სამართლებრივ დაცვას სთავაზობენ.