კანადელი მომღერალი ავრილ ლავინი მუსიკალურ ინდუსტრიას ოფიციალურად დაუბრუნდა. ბოლო სამი წლის განმავლობაში პირველი სიმღერის გამოშვების შემდეგ, ლავინი ჯიმი კიმელის შოუში მიიწვიეს.

შოუში მუსიკოსმა თქვა, რომ მას ლაიმის დაავადება აქვს, რაც თითქმის ხუთი წლით მისი გაუჩინარების მთავარი მიზეზი იყო. მომღერლის თქმით, ავადმყოფობისას ისეთი შეგრძნება ჰქონდა, თითქოს წყლის ქვეშ იყო, სწორედ ამ გამოცდილებას ეძღვნება მისი ახალი სიმღერა Head Above Water-იც, რომელიც მან შოუში ცოცხლად პირველად შეასრულა.

სიმღერა ლავინის მეექვსე სტუდიური ალბომის პირველი სინგლია, რომელზე გადაღებული მუსიკალური ვიდეო რგოლი მომღერალმა ასევე გუშინ გამოუშვა.