ათასობით დევნილი ტერორისტული დაჯგუფება ე.წ. ისლამური სახელმწიფოს მებრძოლებისგან გათავისუფლებულ მანჯიბს უბრუნდება. ჩრდილოეთ სირიაში, თურქეთის საზღვართან მდებარე ქალაქი მანჯიბი სირიის დემოკრატიულმა ძალებმა გაათავისუფლეს. ამის შესახებ ინფორმაციას Reuters ავრცელებს.

გამოცემის ცნობით, მანჯიბის გათავისუფლების ოპერაცია მაისში დაიწყო, თუმცა პროცესი გაჭიანურდა, რადგან ჯიჰადისტები ადგილობრივ მოსახლეობას ცოცხალ ფარად იყენებდნენ. ისლამური სახელმწიფოს უკანასკნელი მებრძოლისაგან ქალაქი პარასკევს, 12 აგვისტოს გათავისუფლდა.

მანჯიბის მცხოვრები ერთ ერთი ქალი ორი კვირის განმავლობაში სახლის სარდაფში იყო გამოკეტილი მცირეწლოვან შვილებთან და მოხუც მამასთან ერთად, რადგან ე.წ. ისლამური სახელმწიფოს მებრძოლები სიკვდილით დასჯით ემუქრებოდნენ ყველას, ვინც გაქცევა სცადა.

ფოტო: Reuter

დევნილთა ბანაკებში მცხოვრები მოსახლეობა ქალაქს უბრუნდება. სირიის სამხედრო ძალების წარმომადგენლის ინფორმაციით მოსახლეობა მაღაზიებს ხსნის და ერთობლივად მუშაობს იმაზე, რომ ძირითადი სერვისების მომსახურება მალევე აღდგეს და ქალაქი ნორმალურ ცხოვრებას დაუბრუნდეს.

ფოტო: Reuter

ისლამური სახელმწიფოს ორწლიანი ტყვეობის შემდეგ, მოსახლეობამ თავისუფლება აღნიშნა. ვრცელდება კადრები, რომელშიც მამაკაცები წვერს იჭრიან ქალები კი ბურკას წვავენ. ტერორისტების მკაცრი წესებით, ისინი იძულებული იყვნენ ჩადრით მთელი სახე დაეფარათ.

ფოტო: Reuter

ფოტო: Reuter

ფოტო: Reuter

ბრძოლა, რომელმაც ათასობით მშვიდობიან მოქალაქეს საცხოვრებელი დაატოვებინა და ოთხასამდე ადამიანის სიცოცხლე იმსხვერპლა, ამ ქალაქში დასრულებულია. ე.წ. ისლამურმა სახელმწიფომ დაკარგა მისთვის სტრატეგიულად მნიშვნელოვანი ქალაქი, რომლის საშუალებითაც თურქეთიდან ახალი მებრძოლების გადაყვანას ახორციელებდნენ.

ფოტო: Reuter

ფოტო: Reuter

ფოტო: Reuter