საზოგადოებრივი მაუწყებლის პირველადი პროფკავშირი, პირველი არხის ეთერით გასულ პოლიტიკური გაერთიანება ცენტრისტების საარჩევნო რეკლამას ეხმაურება და ფეისბუკის საკუთარ გვერდზე განცხადებას ავრცელებს:

"პროფკავშირი ემიჯნება მაუწყებლის ეთერში რუსული პროპაგანდის (თუნდაც უნებლიე) ტირაჟირებას!
ჩვენ ტელევიზიაში 120 ზე მეტი რეგისტრირებული წევრი გვყავს, თითოეული თანამშრომელი მზადაა საკუთარი ხელფასიდან გადაიხადოს სახელმწიფოს მიერ დაკისრებული ჯარიმა ამ ანტიეროვნული კლიპის არ გაშვების სანაცვლოდ.
ჩვენ გვესმის, რომ არსებობს კანონები, არსებობს საარჩევნო ვალდებულებები მაგრამ ყველაზე მაღლა საქართველოს სახელმწიფოებრივი ინტერესებია!"

13 აგვისტოს პოლიტიკური გაერთიანება ცენტრისტები ხაჩიშვილი - ბედუკაძე საარჩევნო რეკლამა გავრცელდა. პარტიის დაპირებებია: რუსული პენსია - 400 ლარი, მივიღებთ ორმაგი მოქალაქეობის კანონს და დავაკანონებთ რუსულ სამხედრო ბაზებს.