პოლიტიკური გაერთიანება სახელმწიფო ხალხისთვის პრეზიდენტობის კანდიდატის მხარდამჭერთა სიის შესაძლო გაყალბების საქმეზე სისხლის სამართლის კოდექსის 362-ე მუხლის პირველი ნაწილით გამოძიება დაიწყო.

აღნიშნული მუხლი ყალბი პირადობის მოწმობის ან სხვა ოფიციალური დოკუმენტის, ბეჭდის, შტამპის ან ბლანკის დამზადებას, შეძენა-შენახვა, გასაღებას ან გამოყენებას გულისმობს და ისჯება ჯარიმით ან თავისუფლების აღკვეთით ვადით სამ წლამდე.

პროკურატურაში განმარტავენ, რომ გამოძიების დაწყების საფუძველი გახდა პროკურატურისადმი ცესკოს თავმჯდომარის 18 სექტემბრის მიმართვა, საპრეზიდენტო კანდიდატების მხარდამჭერთა სიის შესაძლო გაყალბებასთან დაკავშირებით.

ცენტრალურმა საარჩევნო კომისიამ პარტია სახელმწიფო ხალხისთვის მიერ წარდგენილ სიაში პრემიერის მონაცემები და ხელმოწერა აღმოაჩინა და ამ მიზეზით პროკურატურას მიმართა.