რომის პაპმა, ფრანცისკემ ფრანგ ახალგაზრდებს განუცხადა, რომ წყვილებს შორის სექსი ტაბუ კი არა, ღვთისგან ბოძებული დიდი საჩუქარია და "კარგი იქნება, თუ ქალსა და კაცს შორის ვნებიანი სიყვარული მთელი ცხოვრების განმავლობაში გაგრძელდება". მისი თქმით, სექსუალურ კავშირს ორი მიზანი აქვს: გამოხატოს სიყვარული და შექმნას ახალი სიცოცხლე.

ფრანცისკემ გააფრთხილა ახალგაზრდა კათოლიკეები, რომ დაიცვან თავიანთი სექსუალობა პორნოგრაფიისა და იმ საშუალებებისგან, რომლებიც სექსსა და სიყვარულს მიჯნავს.

კათოლიკური ეკლესიის სწავლების მიხედვით, ქორწინებამდე სექსუალური კავშირი აკრძალულია. ამასთან, ეკლესია შობადობის ხელოვნურად რეგულირებასაც ეწინააღმდეგება.