კობახიძე კანაფის კულტივაციაზე: რა თქმა უნდა, გვექნება ფართო კონსულტაციები საპატრიარქოსთან
![](http://chandler.on.ge/2018/09/07/asdasdasd.jpg)
ფოტო: საქართველოს პარლამენტი
პარლამენტის თავმჯდომარის, ირაკლი კობახიძის განცხადებით კანაფის კულტივაციის საკითხზე აუცილებელია საზოგადოების სწორად ინფორმირება. მისივე თქმით, ამ საზოგადოების დიდი და მნიშვნელოვანია ნაწილია ეკლესია.
"აქედან გამომდინარე, რა თქმა უნდა, გვექნება ფართო კონსულტაციები. მათ შორის, რა თქმა უნდა, საპატრიარქოს წარმომადგენლებთან. მნიშვნელოვანია საპატრიარქოს წარმომადგენლების ინფორმირება ამ საკითხის რეგულირების თაობაზე", - განაცხადა კობახიძემ.
კობახიძის თქმით, ასეთი კონსულტაციის საფუძველზე მიიღებენ გადაწყვეტილებას. კობახიძემ ასევე აღნიშნა, რომ კანაფის კულტივაციისა და რეალიზაციის საკითხის განხილვა "არ ეჩქარებათ", თუმცა მალევე განიხილავენ მარიხუანის მოხმარების რეგლამენტაციას.
მისი თქმით, ამ საკითხის დაჩქარებული განხილვა შინაგან საქმეთა სამინისტროს თხოვნაა, რადგან საკონსტიტუციო სასამართლოს გადაწყვეტილებიდან გამომდინარე არსებობს ვაკუუმი და საზოგადოება უნდა იყოს ინფორმირებული.
კობახიძემ ეს განცხადება სამების ტაძარში ქადაგების დაწყებამდე გაავრცელა. მას შემდეგ, რაც გასაჯაროვდა, რომ შინაგან საქმეთა სამინისტრო კანაფის ექსპორტზე მუშაობდა საქართველოს საპატრიარქომ რადიკალური განცხადებები გააკეთა. ისინი შეეწინააღმდეგნენ ხელისუფლებას და განაცხადეს, რომ მზად არიან აჩვენონ საკუთარი ძალა.
გუშინ კი სასულიერო პირების ნაწილმა, თბილისის საკრებულოსთან პარაკლისი აღავლინა და შინაგან საქმეთა სამინისტროს მიერ კანაფის კონტროლის შესახებ კანონპროექტი კიდევ ერთხელ გააკრიტიკა.
პარაკლისის დასრულების შემდეგ, მრევლს მამა შალვა კეკელიამ მიმართა. მისი თქმით, ეკლესია ორ გადაწყვეტილებას აპროტესტებს: პირველი საკონსტიტუციო სასამართლოს მიერ მარიხუანის მოხმარების ლეგალიზებას ეხება, ხოლო მეორე კანაფის სამედიცინო მიზნებით კულტივაციასა და ექსპორტს.
მან საკრებულოს წინ სასულიერო პირების მიერ შემუშავებული "ორი გამოსავალი" წაიკითხა.
- კონსტიტუციის შესაბამის მუხლში შევიდეს ისეთი ცვლილება, რომ თვითგანვითარება არ გულისხმობდეს თვითდაზიანების ქმედებას.
- არ მოხდეს კანონის იმ ნაწილის მიღება, სადაც მარიხუანას ლეგალურ კულტივაციაზეა საუბარი.
შინაგან საქმეთა სამინისტრომ მარიხუანის მოხმარებისა და სამედიცინო მიზნით ექსპორტზე გასატანად კანაფის კულტივაციის რეგულირებისთვის ახალი კანონპროექტი შექმნა. კანაფის მოყვანა-წარმოებისთვის საჭირო რეგულაციებს სპეციალური სააგენტო გასცემს.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები