ქარიშხალ ფლორენსის ჩრდილოეთ კაროლინაში სულ მცირე, ხუთი ადამიანი ემსხვერპლა, მათ შორის დედა, ჩვილი ბავშვით. ინფორმაცია CNN-მა გაავრცელა.

პოლიციის ცნობით, გარდაცვლილებს შორის ორი ვილმინგტომში სახლზე ხის დაცემას ემსხვერპლა.

ფოტო: GETTY IMAGES

სამედიცინო დაწესებულების წარმომადგენლების ცნობით, მათ სამი დაშავებული პაციენტი მიიღეს.

მეოთხე გარდაცვლილი გენერატორის ჩართვის დროს დაიღუპა, მეხუთე გარდაცვლილი კი სახლის გარეთ ძაღლს ეძებდა.

პროგნოზის მიხედვით ქარიშხლის ტრაექტორიაში ჯორჯიის შტატიც ხვდება, ყველა ნახსენებ შტატში ამ დროისთვის საგანგებო ვითარებაა გამოცხადებული.

ფოტო: AP

სამხრეთ კაროლინისა და ჩრდილოეთ კაროლინის, ასევე ვირჯინიის შტატებში წყალმოვარდნების მაღალი რისკის გამო, ადგილობრივმა ხელისუფლებამ ორ მილიონამდე მოქალაქის ევაკუაციის განკარგულება გასცა. უსაფრთხო ადგილებში განლაგებულ თავშესაფრებში ათობით ათასი პირი იმყოფება. ნაწილმა კი, საფრთხის მიუხედავად, სახლებში დარჩენა ამჯობინა.

ამ დრომდე, ელექტროენერგია არ მიეწოდება ჩრდილოეთ კაროლინის 800 ათასამდე მაცხოვრებელს.

შტატის გუბერნატორის განცხადებით, ქარიშხალი კიდევ რამდენიმე დღე გაგრძელდება.

ფოტო: GETTY IMAGE

ფოტო: AP