ზუგდიდის ყოფილი მერის, ლაშა გოგიას მიმართ საქართველოს სსკ-ის 338-ე მუხლით, ქრთამის აღების ბრალდებით, სახელმწიფო უსაფრთხოების სამსახურმა დაიწყო გამოძიება.

ქართულმა ოცნებამ ზუგდიდი მერის გადადგომასთან დაკავშირებით განცხადება გაავრცელა, სადაც ნათქვამია, რომ დაწყებულია გამოძიება და სწორედ ამის გათვალისწინებით დატოვეს თანამდებობები ზუგდიდის მუნიციპალიტეტის მერმა ლაშა გოგიამ და მისმა მოადგილემ, გია გულორდავამ:

"გაჩნდა კითხვები ზუგდიდის ხელმძღვანელ, მათ შორის არჩეულ პირთა მიმართ დანაშაულის შესაძლო ჩადენასთან დაკავშირებით".

ლაშა გოგიამ ზუგდიდის მერის თანამდებობა გუშინ, 12 სექტემბერს დატოვა. ამის შესახებ მან სოციალურ ქსელში დაწერა.