თანასწორობის მოძრაობა საქართველო-ლატვიის თამაშის დროს ლგბტ აქტივისტებსა და პოლიციელებს შორის დაპირისპირების გამო UEFA-ს მიმართავს.

თანასწორობის მოძრაობის წარმომადგენლების განცხადებით, თამაშზე მოსულ აქტივისტებს ლგბტ სიმბოლიკა ძალის გამოყენებით ჩამოართვეს და მათი სტადიონზე შეტანის საშუალება არ მისცეს. მათივე განმარტებით, სტადიონზე აქტივისტებს მხოლოდ იმ ბანერების შეტანის საშუალება მისცეს, რომლებზეც გურამ კაშიას ლგბტ სამკლაური არ ეკეთა.

თანასწორობის მოძრაობა მიიჩნევს, რომ საქართველოს ხელისუფლება მსგავსი ნაბიჯებით ახალისებს ნეოფაშისტური დაჯგუფებების ძალადობრივ საქმიანობას საქართველოში.

პოლიციის მხრიდან დისკრიმინაციული მოტივით გამოხატვის თავისუფლების შეზღუდვის მიზეზით, თანასწორობის მოძრაობა მიმართავს გენერალურ ინსპექციას, სახალხო დამცველსა და სასამართლოს.