ქუთაისის საქალაქო სასამართლომ ყოფილი ცოლის მიმართ სისტემატურ შეურაცხყოფაში და ყოფილი სიდედრის ავტომანქანის დაზიანებაში ბრალდებულს სამი წელი მიუსაჯეს.

საქმის მასალების თანახმად, 2017 წლის აპრილიდან ბრალდებული სისტემატურად აყენებდა შეურაცხყოფას მასთან არარეგისტრირებულ ქორწინებაში მყოფ მ.გ.-ს როგორც თანაცხოვრების პერიოდში, ისე მასთან დაშორების შემდეგაც.

ბრალდების თანახმად, 2018 წლის 20 აპრილს, ღამის საათებში, ნ.ფ.-მ შურისძიების მოტივით, ცეცხლი წაუკიდა და დააზიანა ყოფილი სიდედრის ს.გ.-ს კუთვნილი ავტომანქანა, რითაც დაზარალებულს მნიშვნელოვანი ზიანი მიადგა.

სამართალდამცველებმა ბრალდებული 2018 წლის 29 აპრილს სასამართლოს განჩინების საფუძველზე დააკავეს.

მას ბრალდება სისხლის სამართლის კოდექსის 1261 მუხლის პირველი ნაწილით (ოჯახის წევრის მიმართ სისტემატური შეურაცხყოფა, რამაც ტანჯვა გამოიწვია) და 111 187-ე მუხლის მეორე ნაწილით წარედგინა (სხვისი ნივთის დაზიანება, რამაც მნიშვნელოვანი ზიანი გამოიწვია) და აღკვეთის ღონისძიების სახით პატიმრობა შეეფარდა.