პარლამენტის თავმჯდომარის, ირაკლის კობახიძის თქმით, ნარკოპოლიტიკასთან დაკავშირებული კანონპროექტის განხილვა შეიძლება, მომდევნო სასეიო კვირას დაიწყოს.

კობახიძის თქმით, პარლამენტი მარიხუანის მოხმარების ლეგალიზაციის კუთხითაც მუშაობს:

"ამ კუთხით არის დღეს ვაკუუმი, რომელიც საჭიროებს შევსებას. ამაზე სასწრაფოდ არის საჭირო კანონპროექტის განხილვაზე გადასვლა”.

რაც შეეხება მეორე კანონპროექტს, მისივე თქმით, რომელიც სხვა ტიპის ნარკოტიკებსა და საკითხებს შეეხება, ამაზე მუშაობა გაგრძელდება:

"შეიძლება, ერთიან პაკეტშიც განვიხილოთ ორივე ეს საკითხი".

30 ივნისს საკონსტიტუციო სასამართლომ პარტია გირჩის წევრების სარჩელი დააკმაყოფილა, რითაც მარიხუანის მოხმარებისთვის ადმინისტრაციული სასჯელის გააუქმა. სასამართლოს ამ შემთხვევაში არ უმსჯელია მარიხუანის მოპოვების გზებზე.

5 აგვისტოს ცნობილი გახდა, რომ შინაგან საქმეთა სამინისტრო მარიხუანის მოხმარების მკაცრ სამართლებრივ ჩარჩოებში მოსაქცევად კანონპროექტზე მუშაობს. კანონპროექტით, მარიხუანის მოხმარება შეიზღუდება კონკრეტულ ადგილებში. შსს გეგმავს, რომ გარკვეული პროფესიის ადამიანებს მარიხუანის მოხმარებისთვის ჩამოერთმევათ პროფესიული საქმიანობის უფლება და შეეზღუდებათ სამოქალაქო უფლებები. თუმცა, ჯერ პროფესიები დაკონკრეტებული არ არის.