სპეცოპერაციის დროს მოკლული თემირლან მაჩალიკაშვილის მამა, მალხაზ მაჩალიკაშვილი 10 სექტემბერს ზაზა სარალიძესთან ერთად აქციებს იწყებს. მაჩალიკაშვილის განცხადებით, მას აქციაზე პანკისიდან შეურთდებიან.

"ამათ სხვა გზა არ დამიტოვეს. ვეცადე ყველანარიად, რომ სახელმწიფოს ეღიარებინა დანაშაული, მაგრამ ამაოდ. ამის ნაცვლად ჩემი დევნა დაიწყეს", - განაცხადა მალხაზ მაჩალიკაშვილმა რუსთავი 2-თან ინტერვიუში.

მაჩალიკაშვილის მოთხოვნაა დაისაჯოს სახელმწიფო უსაფრთხოების სამსახურის ხელმძღვანელი ვახტანგ გომელაური და ის სპეცრაზმელი, ვინც თემირლან მაჩალიკაშვილს ესროლა. მისივე თქმით, ეს იქნება მშვიდობიანი აქცია დამნაშავეების დაკავების მოთხოვნა.

On.ge-სთან საუბარში ხორავას ქუჩაზე მოკლული არასრულწლოვანის მამა, ზაზა სარალიძემ განაცხადა, რომ ჯერ არ არის დაზუსტებული სად გაიმართება აქციები. აქციების მთავარ მოთხოვნად ისევ სამართლიანობის აღდგენა და დამნაშავეების დასჯა რჩება.

"მხარდაჭერას მე ვთხოვ ნებისმიერ ადამიანს. მნიშვნელობა არ აქვს ჩემთვის ექიმი იქნება, პროკურორი, მმართველი გუნდის წარმომადგენელი, მასწავლებელი, სტუდენტი, მოსწავლე თუ ეკლესიის წარმომადგენელი", - თქვა სარალიძემ.

გაიგეთ მეტი: