ზაზა სარალიძე 10 სექტემბერს საპროტესტო აქციებს აახლებს. როგორც მან On.ge-ს განუცხადა, ჯერ დაზუსტებული არ არის სად დაიწყება აქციები. სარალიძის თქმით, შერჩევითი სამართალი უნდა დასრულდეს.

"მხარდაჭერას მე ვთხოვ ნებისმიერ ადამიანს. მნიშვნელობა არ აქვს ჩემთვის ექიმი იქნება, პროკურორი, მმართველი გუნდის წარმომადგენელი, მასწავლებელი, სტუდენტი, მოსწავლე თუ ეკლესიის წარმომადგენელი", - თქვა სარალიძემ.

31 მაისის გადაწყვეტილებით, ხორავას ქუჩაზე მოკლული დავით სარალიძუის მკვლელი უცნობია. სასამართლო გადაწყვეტილება დავით სარალიძის მამამ, ზაზა სარალიძემ ფართომასშტაბიანი აქციებით გააპროტესტა. სარალიძეს პერმანენტული აქციები ჰქონდა ივლისის თვეშიც.