ძლიერ აფეთქებას ფოთში ერთი ადამიანის სიცოცხლე ემსხვერპლა, სამი კი დაშავებულია. ამის შესახებ On.ge-ს შინაგან საქმეთა სამინისტროში განუცხადეს. უწყებაში ამბობენ, რომ მათ არ აქვთ ინფორმაცია რამ გამოიწვია აფეთქება. მათივე თქმით, საქმეზე დანიშნულია ექსპერტიზა.

"შეიძინეს მაღაზიაში რაღაცეები, გამოვიდნენ, სხვამდნენ თითქმის ორი-სამი საათი, მაგრამ არ ხმაურობდნენ. უცებ გაისმა ხმა გასროლის და სარკე ჩამოვარდა, მაღაზიის კარი დაიფშვნა. ოთხი ადამიანი იყო, 45 წლამდე", — ამბობს აფეთქების ადგილას მდებარე მაღაზიის თანამშრომელი რუსთავი 2-თან საუბარში.

შსს-ს განცხადებით, საქმეზე გამოძიება საქართველოს სისხლის სამართლის კოდექსის 124-ე და 236-ე მუხლით მიმდინარეობს.