ინდოეთში გადაშენების პირას მყოფი აზიური ლომებისთვის ფოტოების გადაღება იკრძალება. ადგილობრივმა რავინდრა ჯადეჯამ კანონი დაარღვია და ლომებთან სელფი გადაიღო, რისთვისაც ის 20 000 რუპიით დააჯარიმეს (300$).

ჯადეჯას სელფი, რომელზეც ის მდედრი ლომების წინ პოზირებს, სოციალურ მედიას ვირუსულად მოედო, რის შემდეგაც სამართალდამცავებმა გამოძიება დაიწყეს.

სატყეო დეპარტამენტმა მას შემდეგ მიიღო ეს აკრძალვა, რაც ადგილობრივებმა ლომების ხოცვა დაიწყეს.

აზიური ლომები აფრიკულებს რაოდენობრივად საგრძნობლად ჩამორჩებიან. უკანასკნელი მონაცემებით აზიაში სულ 523 ლომია.