აფხაზეთის დე ფაქტო პრეზიდენტი რაულ ხაჯიმბა ვიზიტით სირიაში ჩავიდა. აეროპორტში ხაჯიმბას სირიის საგარეო საქმეთა მინისტრი შეხვდა.

როგორც დე ფაქტო პრეზიდენტის ადმინისტრაცია ამბობს, ხაჯიმბამ და სირიის პრეზიდენტმა, ბაშარ ალ-ასადმა ორმხრივი ურთიერთობების პერსპექტივები უნდა განიხილონ.

რაულ ხაჯიმბა სირიაში ექვსკაციანი დელეგაციით ჩავიდა. მოლაპარაკებების ფარგლებში დაგეგმილია, რომ ოკუპირებულ აფხაზეთსა და სირიას შორის თანამშრომლობისა და მეგობრობის შეთანხმება გაფორმდეს.