მეცნიერებმა დაადგინეს, რომ თხებს ადამიანის სახეზე ემოციების წაკითხვა შეუძლიათ. ისინი უპირატესობას მხიარულ და მომღიმარ ადამიანებს ანიჭებენ.

მეცნიერებმა ექსპერიმენტის ფარგლებში თხები შემოსაზღვრულ მინდორში გაუშვეს, რომლის ერთ მხარეშიც მომღიმარი ადამიანის ფოტო დაკიდეს, მეორეში კი გაბრაზებულის. დაკვირვებისას აღმოაჩინეს, რომ თხები თითქმის ყოველთვის გაღიმებული ადამიანის სურათთან მიდიოდნენ.

ეს შედეგები იმაზე მიუთითებს, რომ თხებს, რომლებიც ტრადიციულად მხოლოდ მათი ხორცისთვის მოიშინაურეს, ადამიანთა ემოციური მდგომარეობის ამოცნობა შეუძლიათ. ამგვარ თვისებებს კი მეცნიერები აქამდე მხოლოდ ისეთ შინაურ ცხოველებს ანიჭებდნენ, როგორიც მაგალითად ძაღლი, კატა ან ცხენია.