იტალიაში შს მინისტრის მშობლების სახლი გაქურდეს. როგორც იტალიური მედია წერს, ძარცვის ბრალდებით საქართველოს ხუთი მოქალაქე დააკავეს.

Milano.Corriere იუწყება, რომ ქართველები ორშაბათს, 27 აგვისტოს, იმ დროს აიყანა პოლიციამ, როდესაც ბარგი უკვე მზად ჰქონდათ და მილანის დასატოვებლად ემზადებოდნენ. ამავე მედიის ცნობით, ბრალდებულები ახალგაზრდები არიან, წარსულში ნასამართლევი არ არიან და მათი სქემა შემდეგნაირია: ჩადიან ევროპის რომელიმე ქალაქში, უკავშირდებიან კონკრეტულ პირს, რომელიც მათ აბიანავებს და ეხმარება, ძარცვავენ სახლებს და სხვა ქალაქში გადადიან ქურდობისთვის.

საქართველოს შინაგან საქმეთა სამინისტროში On.ge-ს განუცხადეს, რომ მომხდარ ფაქტზე უკვე ინფორმირებულია ქართული მხარე.